Konráð J. Brynjarsson

 
Það er nú meira hvað maður er duglegur. Bara skrifað tvo daga í röð, ég verð að leita læknis þetta getur ekki gengið svona áfram. Ég hefði átt að hafa færri orð í gær um líkamsrækt og kvabskekingar. Gerðist gríðar latur þegar heim var komið og svangur í þokkabót. Svo ég ákvað all snarlega að vera heima og brasa mér dýrindis málsverð með ORA fiskibollum, kjetbollusósu, kartöflumús og grænum baunum. Prýðis matur sem ég naut ekki bara í gærkveldi heldur aukin heldur í dag, þar sem afgangurinn kom með mér í vinnuna.

Ég frétti af því í dag að árshátíð Bifhjólasamtaka Líðveldisins, Sniglanna verði haldin í Borgarnesi um helgina. Á Mótel Venus samkvæmt því sem ég kemst næst. Þannig að til uppgripa gæti komið hjá slagsmálahundum bæjarins, en ég mun reyndar draga vitsmuni hvers þess manns stórlega í efa sem ætlar að stofna til illinda við hóp af leðurklæddum bifhjólamönnum. Jæja látum staðar numið...

Fleira ekki gjört, fundi slitið.

skríbentar Konráð J. þegar klukkan slær 18:07

 
"Jæja þá í þetta sinn, þér er heimil ólin" syngur Snati til Óla í samnefndu ljóði. Ég söng þetta lag títt á mínum sokkabandsárum og þótti þá bara nokkuð lipur til söngs. Síðan eru liðin mörg ár og þó að áhugi minn á sönglistinni hafi lítið minkað, þá fer fleiri sögum af því nú en þá, hversu nothæfur ég sé til slíkra verka. Sérstaklega þykir sumum heimilsmönnum á Tunguvegi 18 að ég ætti ekki að einbeita mér að söng, heldur halda áfram að stunda mína daglaunavinnu. En ég er stórhuga og veit að hvurgi fyrirfinnst betri söngmaður í gervallri veröld víðri en ég, og hana nú!

Ég sit við skriftir í vinnu minni, eins og jafnan áður. Það lýtur einna helst út fyrir að ég öðlist ekki innblástur til Vefbókarskrifa nema ég sitji hér í þessum ágæta stól og glápi á þennan ákveðna skjá. En það er þó bót í máli að ég fæ innblástur yfirleitt. Annars var ég ekki viss um að hafa tíma til skrifa í vinnunni í dag. Ég hefi nefnilega lagt mitt einhæfa næturbrölt á hilluna og tekið upp "eðlilegri" vinnutíma aðra hvora vinnuviku (sem þýðir fjórðu hvora viku, eða einu sinni í mánuði), nefnilega að vinna frá 7 að morgni til 7 að kveldi og líkar mér bara all vel, nú þegar líður að lokum fyrsta eginlega dagvinnudags míns síðan einhverntíman í febrúar eða mars, man ekki hvort.

Ég tek undir kveðjur Grámanns og óska heitkvinnu og tilvonandi barnsmóður Jóhanns "erkiskalla" Waage, henni Gyðu, góðs bata. En ég tek ekki undir nafngiftir Graða mansins á mér og þykir mér að heyðri mínum vegið með slíkum aðdróttunum.

Mér, eins og fleirum, stóðu tvö partý til boða nú um helgina. En ólíkt flestum, sem völdu að fara í annað hvort, þá fór ég í hvorugt. Já ég segi og skrifa, ég lét allt kæruleisi lönd og leið og laggði land undir hjól(barða) og keyrði heim á Herragarðinn til foreldra minna. Þar gekk ég á fjöll og leitaði sauðfjár að gömlum og gildum íslenskum sið og var það mál manna, þegar til byggða var komið, að vel hefði tekist til og heimtur væru góðar. Ég er ágætlega sáttur við minn hlut í máli þessu en þó kom ég eigi heill af fjalli. Ég þjáist nefnilega af töluverðum hreyfingarskorti, sem alla jafna háir mér ekki svo mjög, en þegar að heilmiklu magni af hreyfingu er slengt á vöðva mína, öllu í einu, þá hlýtur eitthvað undan að láta og í þetta sinn var það mjöðm með dyggum stuðningi nára sem laggði upp laupanna. Vil ég þar um kenna ógurlegu fjalli sem undirritaður kleif í flýti miklum til að ná að hefta undankomu sauða nokkurra sem villdu undan smölum komast og til fjalla halda á ný. En minn maður stóð sína plikt og aungvir sauðir sluppu undan, svo vitað sé.

Eftir þessa ógurlegu fjallgöngu og illt ástand við heimkomu, hef ég strengt þess heit að bæta um betur og hefja (ó?)reglubundna líkamsþjálfun í Heims-klassanum, og það ekki síðar en í kveld. En þó verður eitthvað numið staðar í Evu heimum, svona rétt til að uppfæra þjálfun á eðalmenninu Zorth.

Nóg er af fréttum í bili...

Fleira ekki gjört, fundi slitið.

skríbentar Konráð J. þegar klukkan slær 18:06

 
Nú er bleik brugðið og það ekki í fyrst sinn. Blogger, sá armi djöfull hefur í einn eitt skiptið breytt um útlit svo maður má gjöra svo vel að taka nokkrar mínútur í það að sjá hvort nokkuð hefur breyst. Ég segi nú bara fussum svei eins og Soffía frænka gerði forðum daga, og gerir víst enn á sviði Þjóðleikhússins.
Ég brá mér vestur í Frostaskjól áðan. Þar dæmdi ég einn leik í Reykjavíkurmótinu í Körfuknattleik, nánar tiltekið leik KR og ÍR í drengajaflokki. Þetta var hinn ágætasti leikur í alla staði, en litlu mátti muna að ég væri hreint ekkert á staðnum. Ég var tiltölulega ný vaknaður fyrir framan sjónvarpið um klukkan 21:20 þegar Grámann bjallaði í mig. Hann bennti mér á það að eftir 10 mínútur ætti að hefjast leikur sem ég ætti að dæma. Þá kom þetta líka ógurlega fát á mig og ég vissi hreinnt ekki hvað snéri upp eða hvað snéri niður. Mér tókst þó að kveðja Guðna og koma mér í einkennisfatnað dómar og út í bíl á u.þ.b. 5 mínútum sem verður að teljast ágætis millitími. Ég var mættur vestur í Frostaskjól og leikur hafinn um 15 mínútum eftir að Guðni hringdi og u.þ.b. 10 mínútum eftir að leikurinn átti að hefjast.
Annars hef ég lítið að segja og er að fara að hugsa mér til hreyfings, í átt að bælinu. Ég þarf nefnilega að leggja í glímukeppni á morgun við yfirmanninn. Nú skal krafist hækkunar á launum...

Fleira ekki gjört, fundi slitið.

skríbentar Konráð J. þegar klukkan slær 01:20

 
Nú er minns ákaflega framlár. Dagurinn í dag (þ.e. gær laugardagur skv. dagatali) fór nefnilega ekki í svefn eins og eðlilegt verður að teljast hjá þeim sem vinna næturvinnu. Nei því þegar ég kom heim um sjöleitið í morgun þá tók við tölvufærslan sem ég nefndi í gær. Að henni lokinni þá var kominn tími fyrir okkur Grámann í Garðshorni að skunda til haustsamkundu Körfuknattleiksdómara þessa lands. Við reyndar tókum smá útúrdúr fram á Seltjarnarnes þar sem flugneminn og dómarinn Aron Smári Barber beið komu okkar. En svo héldum við sem leið lá niður í laugardal til höfuðstöðva ÍSÍ þar sem herlegheitin fóru fram. Eftir pistla og punkta góðra manna var komið að skriflegu prófi, sem mér fannst ekki mjög snúið en niðurstöðu er beðið.
Svo var nú komið að "hápunktinum" sem var þrekprófið. Ekki gekk mér sem skyldi í því en er þó þónokkuð sáttur við útkomuna og er greinilegt að líkamsræktarátak sumarsins hefur einhverju skilað. Það er alveg ljóst hins vegar að ég þarf að koma því kerfi á sem fyrst aftur, til þess að tapa ekki þeim litla árangri sem nást hefur og svo að náttúrulega að bæta hann. Eftir prófið var etin hádegisverður sem samanstóð af austurlenskum kræsingum sem smökkuðust gríðar vel. Að þeim loknum stóðu fundarhöld yfir til að verða fjögur en þá hafði ég verið vakandi í samfleytt 24 klukkustundir. En sem betur fer á ég góða samstarfsmenn og bauðst einn þeirra sem til þess að vera heilum þrem tímum lengur svo ég gæti sofið eylítið. Ef ég hefði þann sið að gefa hrós dagsins þá fengi hann Kiddi það hiklaust.

Fleira ekki gjört, fundi slitið.

skríbentar Konráð J. þegar klukkan slær 02:01

 
Jæja gott fólk Það rignir í henni Reykjavík og Kári hinn ógurlegi, þó ekki íslenskuneminn gríðarlegi af Tunguvegi, heldur nafni hans Norðanvindurinn, sem reyndar er heldur sunnanstæður núna, blæs eins og honum einum er lagið og hrekur eymingjans regndropanna á undan sér svo þeir geta eigi annað en skollið á andlitum (og öðrum líkamshlutum) saklausa drykkjuhrúta sem eru að staulast heim eftir heimsókn í miðbæjarsollinn. S.s. það er óveður úti og ég sit inni í hlýjunni og tuða á veraldarvefinn.

Ég er búinn að bæta nokkrum tenglum við hér til hliðar. Fyrst ber að nefna prakkaraengilinn Brynjar Halldór ferjubakkabónda með meiru. Fyrir þá sem ekki vita þá er hann frumburður og einkabarn (þar til eftir mánuð eða svo) systur minnar elskulegrar. Hann (með dulítilli aðstoð frá mömmu sinni gömlu) hefur sett á laggirnar heimasíðu hjá vefsetrinu Barnalandi. Ég mæli eindregið með að þið kíkið þar inn og lítið á hinn myndarlega (og um fram allt lifandi eftirmynd frænda síns) unga mann.

Þeir voru nokkrir snillingarnir sem ólust upp í Mávaklettinum í Borgarnesi. Þeirra fremstur var að sjálfsögðu undirritaður en fljótlega á hæla mér kom öðlingurinn Kristján Jóhannes Pétursson sem nú hefur fært sitt heimsfræga (í það minnsta í Borgarnesi) málæði á veraldarvefinn. Fáir eru held ég betur til þess fallnir að skemmta okkur hinum með spekingslegu spjalli og búdrýgjandi bulli en Kiddi Jói, nema ef það væri hugsanlega Jóhann "Skalli" Waage, en ég mæli eindregið með pistli hans frá því í gær, ég átti í stökustu erfiðleikum með að hemja þvag við lestur hans.

Síðastur en þó langt frá því að vera sístur, er Mr. Jones. Hann er atorkusamur ungur maður á uppleið. Hann er Garðbæingur stoltur mjög og hefur einhvurn þann undarlegasta tónlistarsmekk sem ég hefi nokkru sinni kynnst. Þá er þónokkuð sagt, því ég þekki ýmissa furðufugla hvað tónlistaráhuga varðar. Kíkið á Jones, hann er góður.

Kvöldið hjá mér hefur að mestu leiti farið í yfirferð á ritgerð ungrar stúlku, bekkjarsystur minnar úr lærdómsmusteri lands vors. Það er að segja, sá hluti kvöldsins sem ekki hefur farið í að sinna vinnu minni, en hún hefur af augljósum ástæðum, forgang. Það er afar skemmtilegur ferill, þessi að fara yfir ritgerð, og það liggur við að maður kunni efnið utan að eftir yfirferðirnar. En svo þegar til átti að taka í tölvunni og koma herlegheitunum á hennar (tölvunnar) form, þá kom (Phil) babb í bátinn. Sá Filipus gerði það að verkum að ég gat ekki sótt frumrit ritgerðar stúlkunnar, sem var geymt á póstsvæði því sem ég leigi af Hita. Þá hefur nýskipaður kerfisstjóri tölvukerfis vors lagt blátt bann við öllu niðurhali ellegar downloadi. Ég verð því að eyða þeim litla tíma sem ég hef nú eftir heimkomu í morgunsárið, til þess að tölvufæra allar athugasemdir mínar við ritgerðarsmíðum fyrrnefndrar stúlku kindar. Sér er nú hver vitleysan. Annars hlakkar mig til að sjá hvur viðbrögð hennar verða við mínum skrifum (en hún hefur þau til athugunar nú), þau skrif mín hafa fengið hreint afbrags dóm(a) hingað til. Látum nú staðar numið.

Fleira ekki gjört, fundi slitið.

skríbentar Konráð J. þegar klukkan slær 04:38

 
Skamm skamm, ég er latur strákur. Ég hef bara ekki nennt að skrifa neitt í háa herrans. Enda kannski svo sem ekki mikið að segja þessa daganna. En hyggst ég nú gera bragarbót á. Það er greinilegt að vetur konungur er farinn að klæja í fingurna. Allavega er farið að vera helv... kallt á nóttuni.

Ég brá mér í leitir um síðustu helgi. Það var déskoti skemmtilegt. Við karl faðir minn rukum á fætur klukkan 7 og átum hollan og næringargóðan morgunverð. Fljótlega byrtist Bjarni Ben þó ekki sá sem skrifaði upp á inngöngu Íslendinga í NATÓ forðum daga, heldur 16 vetra frændi minn frá Hýrumel í Hálsasveit sem kominn var til að aðstoða okkur við fjárleit. Svo var haldið norður á bóginn að Dalsmynni í Norðurárdal þar sem saman var kominn hópur góðra mann og kvenna. Björgunarsveitarfólk úr Björgunarsveitinni Brák ásamt vöskum hópi tilvonandi Frúbæðinga af Hvanneyrum og vöskum bóndasonum af bæunum í kring. Þessum borubratta hóp var skift bróðurlega milli dala og lægða, svo var fólkið ferjað á sína staði. Svo gengu menn galandi og gólandi í átt til byggða og ráku á undan sér allt kvikfé sem á vegi þeirra varð.

Þegar allt hafði til byggða komist reyndust heimtur hafa verið með ágætum, þrátt fyrir að stór hópur rolluskratta hafi rofið varnarlínu leitarmanna og stefnt til baka vestur í Dali, enda fór sauðþrá dalarolla fyrir liðhlaupunum. Þegar öllu starfi var lokið, þá reiknuðum við feðgarnir það út að vinnudagurinn hefði staðið í góða 14 tíma.

Skólinn fer ágætlega af stað, hef meira að segja komist að því tæknin hefur tekið völdin í Háskóla Íslands. Ég þarf ekki einu sinni að mæta í tíma, því að allt sem fram fer í skólastofunni er tekið upp á myndband sem hægt er að nálgast á veraldarvefnum. Magnað maður...

Fleira ekki gert, fundi slitið.

skríbentar Konráð J. þegar klukkan slær 06:26

 
Well well, nú er minns þreyttur. Svefn í dag var heldur knappur sko. Var kominn heim úr vinnu um 07:15 og lagstur í bólið um 10 mínútum síðar. Sem er ágætis millitími sko, en það sem olli knappleika svefnsins var helv... er... blessaður skólinn sem hófst ekki mínútu síðar en 13:15. Hnuss og fuss og sveiattan. Hann var svo sem ágætur blessaður, nema ég þurfti að hespa af einu verkefni sem skila átti í fyrsta tíma!!??!!?? Hver stýrir þessu apparati eiginlega, ég bara spyr. Þess vegna þurfti ég að skrópa í fyrri tímanum, ja ekki skrópa þar sem það er ekki mætingarskylda, en ég mætti í það minnsta ekki heldur sat og svitnaði inni í tölvustofu og hamaðist við að pára. Svo þegar kom að því að prenta, þá var prentkvótinn sem ég hafði keypt fyrr um daginn ekki kominn í gegn svo ég gat ekkert prentað!!!! Þá setti ég nýtt met í hraðritun og hripaði allt heila helvítis verkefnið í stílabók. Ekkisens vesen. Ekki batnaði það svo þegar í tíman var komið, þá komst ég að því að ég á að skila ritgerð uppúr verkefninu á morgunn!!!!!!!!!!!!!!!!!!!!!!!!! Halló er ekki allt í lagi, well ok, sko ég er að vinna í nótt og geri bara verkefnið þá. Nei nei, þegar til á að taka þá neitar tölvan í vinnunni að opna ritgerðarverkefnið (sem nb. er á netinu) svo ég sit hér og get ekki annað og sé framá vökudag á morgun. DÆS!!!!!! Life is a bitch, then you marry one!!

Fundi slitið, ergelsi heldur áfram offline.

skríbentar Konráð J. þegar klukkan slær 21:36

 
Ég bara get ekki hætt. Sko ég sit við tölvuna í vinnunni og hef ekkert betra að gera en að þvarga eitthvað um ekki neitt. Brá mér á Batman og komst þar að því að minn gamli skóli er enn á lífi. Ja í það minnsta nemendafélagið. Ekki slæm síða svo sem, en það er samt alveg týpískt hjá þessum blessuðum skagamönnum að vera nokkrum árum á eftir, en þannig eru þeir bara greyin.

Sá líka ansi skemmtilega grein um leikmann Golden State Warriors í NBA deildinni. Hann s.s. heldur því fram að hann hafi lamið konuna sína í sjálfsvörn! Jeah right, sá sem þarf að beita sjálfsvörn í samskiptum við konuna sína ætti að kanna hvort ekki sé sprelli þar sem gatið ætti að vera. Þar fyrir utan þá eru það bara aumingjar sem leggja hendur á konur og þeir sem koma svo með einhverjar aula afsakanir eru enn og verri. Ég skora á Risann að velja þennan Jason Richardson aula dagsins.

Það er ekki óalgengt að ég hlýði á fréttir í útvarpinu, þetta vita flestir sem mig þekkja og er svo sem ekki í frásögur færandi nema vegna þess að ég heyrði líklega bestu frétt sögunar fyrir Bandaríkjamenn. Fyrirtækið Viacom sem á og rekur m.a. sjónvarpsstöðina Nickelodeon, var að kaupa dreifiréttinn á Latabæ í Bandaríkjunum. Hvers vegna kalla ég þetta bestu fréttir sögunar fyrir kananna? Jú eins og menn vita þá horfa þeir ótrúlega mikið á sjónvarp, ekki nóg með það, heldur sitja þeir gjarnan í þægilegum sófum og/eða stólum með heilu fjöllin af snakki og jukki. Og ef einhver getur komið þeim af rassgatinu og fram á gólfið til að hrista spikið, þá er það Magnús Scheving, ofvirkasti maður landsins, jafnvel þótt víðar væri leitað. Gott mál í alla staði.

Fleira ekki gert, fundið slitið.

skríbentar Konráð J. þegar klukkan slær 00:35

 
Ég skulda meistara Jóhanni "Skalla" Waage afsökunarbeiðni. Ég hef nefnilega ekki enn óskað honum til hamingju með væntanlega(nn) erfingja. Skamm, skamm ég sjálfur. Ég skoðaði líka gestabókina mína á Egótrippinu, sem ég hef ekki gert lengi, að ósk Kára. Þar var hann að skamma mig fyrir að hafa ekki birt perravísuna hans, hmm ég bara kannast ekkert við gripinn. Svo sá ég líka færslu frá Ömmu dreka. Mér þætti gaman að vita hvur þetta er, þ.e. sá(sú) sem skrifaði skeytið, því ég veit hver sögupersónan er. Sá hin(n) sama(i) mætti alveg láta mig vita.

Fleira ekki gert, fundi slitið.

skríbentar Konráð J. þegar klukkan slær 21:35

 
Blogger.com hefur verið að strýða mér undanfarið. Allt það sem ég hef ætlað mér að skrifa hefur gufað upp hraðar en Vodki í finnsku gufubaði. Þetta virðist þó vera að batna, mér tókst allavega að koma pistlinum frá 25. út í dag og er að vona að þessi rati líka rétta leið.

Við félagarnir á Tunguvegi 18 erum komnir með þráðlaust heimanet frá Landssíma Íslands og þó ótrúlegt megi virðast, þá tókst okkur að koma öllum tölvunum í samband án nokkurra teljandi örðugleika. Svo 1500 kílóbætin eru farinn að vinna á fullu fyrir okkur. Já og við erum komnir með símalínu (sem er mjög nauðsynlegur búnaður við ADSL tengingar) og henni fylgir að sjálfsögðu símanúmer, 553-9141 er símanúmerið að Tunguvegi 18, en ég mæli ekki með því að fólk láti hringja lengi, það vantar nefnilega móttökubúnað okkar megin.

Skólinn er hafinn, sem er mjög gott, held ég. Það á eftir að koma betur í ljós þegar fram líða stundir hvernig mér á eftir að ganga að samræma skóla og vinnu. Ég keypti mér tölvuleik fyrir helgi, það er snildin EVE-online, Seccond genesis. Ég hef fundið nýja fíkn.

Fleira ekki gert, fundi slitið.

skríbentar Konráð J. þegar klukkan slær 05:02