Konráð J. Brynjarsson

 
"I wanna hold your hand" sungu þeir John, Paul, George og Ringo í Amerísku sjónvarpi fyrir sléttum 40 árum og á sama tíma prýddi þetta lag efsta sæti vinsældalistans þar vestra. Mér varð hugsað til þess, þar sem ég sat og horfði á gamlar myndir af vitstola stúlkum, hversu gaman það væri að vera nú á sextugsaldri og sjá sjálfa sig í sjónvarpinu að láta eins og vanviti yfir fjórum ungum mönnum frá Bretlandi?!?

Hér var dulítill gleðskapur í gær. Við vorum hér Viðarsson Kári, Guðni, Valdi, Árni og Gunnur ásamt nokkrum vinkvenna hennar og sötruðum bjór og sumir eitthvað sterkara. Er óhætt að segja að góður rómur hafi verið gerður að samsetu þessari og veit ég ekki betur en allir hafi farið ánægðir heim.

Af þessum sökum byrjaði dagurinn í dag heldur brösuglega, en þó rjátlaði af mér eftir að hafa dæmt einn kvennaleik og sturtaði mig vel á eftir. Svo nú er ég í nokkuð góðum fýling um það bil að leggja af stað til Mr. Jones, þar sem við ásamt Maríusi, LoneStraps og fleiri góðum mönnum ætlum að leggja af stað á vit ævintýra á hafi hinn fallandi stjarna, en það mun vera gríðarlegt innhaf á plánetunni Toril á meginlandi sem kallast Faerun. So without further adoo,

Fleira ekki gjört, fundi slitið.

skríbentar Konráð J. þegar klukkan slær 19:36