Konráð J. Brynjarsson

 
"Nú árið er liðið í aldanna skaut, og aldrei það kemur til baka." Þá er loksins komið að því, tadadadada ég hef hafið upp raust mína á ný eftir dágott hlé. Ég hef tekið eitt af mínum frægu letiköstum og entist þetta kast í 8 daga, sem er býsna gott, ef miðað er við letiköst, en náttúrulega alls ekki jafn gott fyrir dygga lesendur mína og teljarann minn sem hefur lítið fitnað í letikastinu öfug við mig sem hef ábyggilega bætt á mig nokkrum pundum og jafnvel nokkrum kílóum ef vel er að gáð. En sem betur fer þá hef ég ekki aðgang að vigt svona dags daglega og lifi því með orðatiltækinu engilsaxneska: "Ignorance is blizz!"

Af mér er allt gott að frétta, er kominn til vinnu eftir áramótafrí. Ég hef undanfarið lent í umræðum við nokkra menn um trúfélög og tilgang þeirra. Þá er verið að tala um svokallaða sértrúarsöfnuði, en nokkrir slíkir eru hérlendis, s.s. Krossinn, Fíladelfía, Vottar Jehóva o.flr. Flestir voru sammála um það slíkir söfnuðir væru ekki sniðugir af ýmsum ástæðum (s.s. vegna peningagreiðslna, fordóma og einstrengisháttar) en þó væri eitt sem væri gott við þá flesta. Það er sú staðreynd að margir þeirra hafa verið ungu (og öldnu) fólki á glapstigum sú stoð sem það hefur þurft til að koma lífi sínu aftur á rétta braut. Persónulega er mér nokk sama hverju fólk trúir, hversu heimskulegt sem mér kann trúin að finnast, svo fremi sem viðkomandi einstaklingur/söfnuður er ekki að reyna að troða sinni trú/skoðun upp á mig. Trúboð er svo sem gott og blessað, en bara ef sá sem á að heyra ræðuna er tilbúinn að hlusta. Trúfélög eiga ekki að brúka samskonar taktík og Vottarnir (sem eru þeir einu sem ekki hafa virt mitt nei við spurningum þeirra um hvort þeir megi fræða mig um Jesú) sem frekjast og heimta og troða sér allstaðar, og virðast bara tvíeflast við hvert nei. Hinir mega þó eiga það að þeir hafa ekki reynt að kristna mig (sem þarf ekki þar sem ég er kristinn) með valdi. Ég veit svo sem ekki hvort "sértrúarsöfnuðir" innan annara trúa (eins og íslam, búddisma, hindú, taoisma og hvað þetta heitir allt saman) eru jafn forhertir og margir þeirra sem kenna sig við Jesú Krist en ég veit það eitt að ef að lítið brot af því sem gert er í nafni hans væri gert í mínu nafni, þá væri ég annaðhvort með her lögfræðinga í vinnu, her launmorðingja eða væri hreinlega búinn að skjóta mig!! Amen

Fleira ekki gjört, fundi slitið.

skríbentar Konráð J. þegar klukkan slær 12:57